Sanfilippo dutenak laguntzeko bat egin dute Juneren Hegoak eta Hibaika Arraun Elkarteak
Sanfilippo gaitza duten haurren ikerkuntza eta tratamenduarentzako dirua biltzeko asmoarekin, egutegia kaleratu dute. Oier Iribarren gaitza duen Ibarrako haurren gurasoek hiru milioi euro behar dituzte tratamendurako, eta horretara bideratuko dute.
Sanfilippo gaitza duten haurren ikerkuntza eta tratamenduarentzako dirua biltzeko asmoarekin, egutegia kaleratu dute. Arraunlariak eta elkarteko kideak agertzen dira Ainhoa Irureta, David Viz , Ivan Perez eta Imanol Quilez argazkilariek ateratako irudietan.
Juneren Hegoak elkarteko Yolanda Martinek adierazi duenez, beraien lana gaixotasunak dituzten umeen familiak sostengatzea
Hiru milioi euro behar dituzte Oierrentzako tratamendu espezifikoa —entsegu klinikoa da— Gurutzetako ospitalera ekartzeko. “Hori da aukera bakarra, eta horretan dugu itxaropen txiki bat. Medikuek ere badute esperantzarik”. Euskal Herrian, urte honetan zehar, 1.400.000 euro jaso dituzte, eta lagundu duten guztien prestutasuna eskertu du Iribarrenek.
“Helburu handiak lortu”
Hibaikako Eli Pescadorrek zein Imanol Quilez argazkilariek laguntzeko eskatu zietenean zalantzarik ez zutela izan argi utzi dute, eta “hondar aletxoa” jarri dute. Ongizate zinegotzi Jon Txaskok, bere aldetik, esan du “pozik eta harro” dagoela herriko elkarteek izan duten prestutasunagatik. “Elkartzen garenean, helburu handiak lor ditzazkegu”, gaineratu du.
Egutegiak bost euro balio ditu, eta herriko hainbat establezimendutan aurki daiteke. Horrez gain, Juneren Hegoak-en webgunean, Hibaikan eta argazkilarien bitartez eskura liteke. Guztira 2.500 ale argitaratu dituzte.
Juneren Hegoak eta Hibaikaren ekimenez egindako egutegiaren aurkezpena
