Tania de Sousak kontzertua emango du ostegunean, Reyna tabernan
22:30ean hasiko da; 'Tania Tank' bakarkako lehen diskoa aurkezteko itzuliaren barruan dago kontzertua
The Dispositives eta Zuloak taldeetan ibili ondoren, Tania de Sousa zestoarrak bere lehen bakarkako lana kaleratu zuen iazko udaberrian: Tania Tank. Karlos Osinagak izan zen teknikaria eta Fermin Muguruzak ekoiztu zuen. Hamabi abesti ditu, pop doinuetan oinarritutakoak. Aurkezpen itzuliaren baitan izango da biharko kontzertua, Reyna tabernan, 22:30etik aurrera. Ohi bezala, dohainik izango da.
