Txupinazo aurreko giroa bazkari batekin berotuko du jai batzordeak

Herriko Plazan izango da bazkaria, 14:00etatik aurrera, eta bertara joatea ahalbidetuko duen zapia salgai dago jada, hamabost euroren truke. Bazkariaz gain, Dantza Luzea ere antolatu du jai batzordeak.

Beste urtebetez antolatu du bazkaria jai batzordeak

Beste urtebetez antolatu du bazkaria jai batzordeak

Azkeneko urtetan bezala, jai batzordeak bazkaria —ikusi menua azpian— prestatu du madalenen hasiera iragarriko duen txupina bota baino ordu batzuk lehenagorako. Herriko Plazan izango da bazkaria, 14:00etatik aurrera, eta bertara joatea ahalbidetuko duen zapia salgai dago jada, hamabost euroren truke. Honako tabernetan eros daiteke: Xeran, Aralarren eta Arkaitzan. Aurten mnu beganoa eskainiko dute, eta kasu horretan, Sindikato tabernara joan beharko dute zapi bila. Zapiak lortzeko azkeneko eguna hilaren 15ean izango da. Bapo jateaz gain, Dantza Luzea ere dantzatuko dute, txupina bota baino ordu erdi lehenago. Dantza entseatzeko zitak ere jarri dituzte. Lehenengoa gaur arratsaldean izango da, 19:00etatik aurrera, Niessengo gela balioanitzean. Etzi ere egingo dute, eta datorren asteko astelehenean eta asteazkenean izango dira beste bi entseguak.

Egitaraua, “ilusioz”

Jai batzordeak adierazi duenez, aurtengo madalenen egitaraua “ilusioz, auzolanean, herritik eta herriarentzat” prestatu dute. Euren jai ereduaren oinarrietan “koloretsuak eta parekideak” izatea da, “gizon-emakumeen arteko errespetua eta berdintasuna eskatuz”. Iragarri dutenez, datozen urteetan ere eredu landuko dute jai batzordean. Menua
  • Otarrainxka egosiak.
  • Antxoak.
  • Txerri saiheski erdia eta zekor saiheskia parrillan.
  • Limoizko sorbetea cavarekin.
  • Kafea, patxarana eta belar likorea.
  • Sagardoa txotxean, Errioxako ardoa eta ura.
Menu beganoa
  • Barazki pastela.
  • Espinaka kroketak.
  • Lasaña begetala.
  • Kafea, patxarana eta belar likorea.
  • Sagardoa txotxean, Errioxako ardoa eta ura.
Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.