Donostiako sexu erasoa gaitzetsi du Pasaiako Udalak
Pasa den igandean Errenteria-Oreretako batek Donostiako taberna batean erasotu zutela salatu zuen. Erasoa gaitzesteko mobilizazioekin bat egin du udalak.
Pasa den igandean Donostian izandako ustezko sexu erasoaren harira, Pasaiako Udaleko bozeramaleen batzordeak aho batez onartu du erasoa “erabat gaitzestea”. Igandekoa ez ezik, emakumeen aurkako “edozein indarkeria mota” arbuiatu dute udal taldeetako ordezkariek, eta “zero tolerantzia” aldarrikatu dute. Halaber, elkartasuna adierazi diote erasoa salatu duen emakumeari.
Horrez gain, jarrera matxisten jarraipenarekin “kezkatuta” dago udala. “Gure borondatea adierazi nahi dugu emakumeen aurkako indarkeria mota guztiak errotik ateratzeko. Gizon eta emakumeen arteko ezberdintasunaren eta patriarkatu menperatzaile baten emaitza dira”, esan dute. Ildo horretan, berdintasunean oinarritutako gizarte bat eraikitzeko mekanismo guztiak martxan jarri behar direla uste dute bozeramaleek.
Horrez gain, herenegun Donostian zein gaur arratsaldeko Errenteria-Oreretako deialdiekin bat egin du udalak. Niessengo atarian elkarretaratzea egingo dute, 19:30etik aurrera.
Indarkeria matxista amaitu
Erlazionatutako edukiaAho batez gaitzetsi du Errenteriako Udalak asteburuan izandako sexu erasoa
