Lortu dute

Lortu dute. Ogi Berri Azkuene taldeko emakumeek Madrilgo 100 kilometroko mendiko erronka kemenez eta indarrez bete dute. Pozik daude, nola ez.

Urko Etxebeste Petrirena

Pasaia

2016/06/13

Taldekideak, helmugara iritsi eta gutxira.

Pasaiako Ogi Berri Azkuene Triatloi Taldeko kideek Oxfam Intermon Trailwalker Madrid 100 kilometroko mendiko lasterketan parte hartu dute asteburuan, larunbatetik igandera. Madrilgo Guadarramako mendilerroan egin dituzte 100 kilometro horiek, lau kidek lasterka, beste bi lagunen laguntzarekin. Eta egin dituzte. Oxfam Intermon gobernuz kanpoko erakundea laguntzako elkartasun lasterketa zen. Berez, 100 kilometro horiek egiteko muga 32 ordukoa bazen ere, emakume pasaitarrek 17 ordu eta 55 minutuan egin zuten bidea: emakumeen taldeen artean lehenak izan ziren, eta helmugara iritsi ziren talde guztietatik (156 denera, gehienak gizonenak), 20 lehenen artean gelditu ziren (sailkapen ofizialak ez ditu eskuratu HITZAk). Lortu dute.

Ogi Berri Azkuenekoak, lasterketa hasi aurretik.

Erronka bezala zuten planteatua kirol taldekoek Madrilgo lasterketa hori. Eta gainditu bakarrik ez, espero zutena baino denbora hobea (18-20 ordu artean egitea zen euren hasierako asmoa) egin dute. Hasieran, espero zitekeen bezala, ondo, baina azken kilometroak nekeak jota egin zituzten. Hala ere, hanken ahulguneak buruarekin kudeatu, eta helmugara ondo iristea lortu zuten. Bidean orotara, sei kontrol postu izan ziren, atseden guneekin. Beraz, Ana Cruzek, Inma Cruzek, Eli del Pozok, Edurne Jauregik (korrikalariak) eta Josune Cruzek eta Gema Cruzek (laguntzaileak) erronka bete dute. Oso pozik daude egindakoarekin, gustura. Kirol taldearen Facebook orrialdean lasterketaren nondik norakoak zehatzago izateko aukera dago.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Lortu dute

Gipuzkoa

Biriketako transplante baten zain dagoen Donostiako bizilagun bat, etxetik egotzia izateko zorian

Tolosa eta Beasain lotzen dituen Renfeko tren zerbitzua etengo dute abuztuaren 29tik irailaren 1era

Salmonellosi agerraldi batek 29 pertsonari kalte egin die Eibarren

Pasaiako eta Lezoko alkateek «erantzunak eta neurriak» eskatu dituzte portuko sutearen harira

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa «jazartzen» eta «zigorra ezartzen» ari zaiela ogitartekoak banatzen dituzten herritarrei

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko

Donostiako Harrera Sareak salatu du lau kide identifikatu dituztela etxegabeei janaria emateagatik