Pirritx, Porrotx eta Mari Mototsen lan berria, hilaren 29an
Pailazoek 'Tipi-tapa, Korrika!' emanaldia eskainiko dute Elorsoron. Sarrerak hilaren 21ean jarriko dituzte salgai, kiroldegian bertan.
Pirritx, Porrotx eta Mari Motots pailazoen ikuskizun berria hilaren 29an ikusteko aukera izango da. Ugaldetxo Kultur Taldeak antolatu du ikuskizuna, udalaren laguntzarekin.
Tipi-tapa, Korrika! lana ikusteko sarrerak, baina, datorren astean jarriko dituzte salgai. Zehazki, hilaren 21ean izango da erosteko aukera. Emanaldia izango den tokian bertan —Elorsoro kiroldegian— salduko dituzte salgai, 17:00etatik 19:00etara. Guztira 1.500 sarrera egongo dira, eta bi urtetik gorako haurrentzako bost euro balioko du txartel bakoitzak. Helduentzako prezioa, berriz, zortzi eurokoa izango da. Pertsona bakoitzak, gehienez, zortzi euro har ditzake. Soberan geratuz gero, egunean bertan jarriko dituzte salgai.
Antolatzaileek gomendio bat eman diete gurasoei, ekitaldiak duen arrakasta ikusita. Hala, sarrerak haurrei erosteari lehentasuna emateko eskatu diete, eta bi guraso edo senide joan beharrean, bakarra joan dadila aholkatu dute.
