Hipatiaren lorategia letren errepublika bihurtuko da igandean

Martxel Mariskal hondarribiarra gonbidatu dute Irakurketa Taldeak eta Oiartzun Azmarrin-ek

2017/09/26

Martxel Mariskal, pasa den ekainean, liburua Hondarribian aurkeztu zuenean.

Gero eta hedatuago dago igandetan, aire zabalean, kultura ekitaldiak egitea. Oiartzun Azmarrin-en eta Irakurketa Taldearen ekimenez, datorren igandea halakoa izango da Oiartzunen. Zehazki, literarioa izango da igande eguerdia. Martxel Mariskal Balerdi hondarribiarra gonbidatu dute, bere lehen poema liburuaren harira. Azken zakatzak du izena liburuak (Susa, 2017). Argitaletxearen erreseinak hala definitzen du: “Liburu honen konposizio barrenkorrak zabaldu egin du bere indar espresiboaren sakontasuna, arnas luzekoa eta oparoa, lanketa gaitz baten emaitza trinkoa”. Horrez gain, Beti Mugan edota Lisabo taldeentzako abestiak idatzi ditu. Oiartzunekin ere lotura du, Haurtzaro Ikastolako irakasle izan baitzen. Ainara Lasak, Oier Guillanek eta Alaia Martinek zein Ekain Telletxea eta Malen Etxebeste haurrek poemak errezitatuko dituzte. Gonbidatu sorpresa bat ere izango da bertan. Saioaren gidari Goiatz Labandibar izango da. Eurak izango dira hitza kudeatzeko ardura izango dutenak; Idoia Beratarbidek koadro bat osatuko du saioak irauten duen artean. Iniziatiba literarioa 12:00etan hasiko da, Hipatiaren Lorategian. Ekitaldia irekia izango da.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Hipatiaren lorategia letren errepublika bihurtuko da igandean

Gipuzkoa

Biriketako transplante baten zain dagoen Donostiako bizilagun bat, etxetik egotzia izateko zorian

Tolosa eta Beasain lotzen dituen Renfeko tren zerbitzua etengo dute abuztuaren 29tik irailaren 1era

Salmonellosi agerraldi batek 29 pertsonari kalte egin die Eibarren

Pasaiako eta Lezoko alkateek «erantzunak eta neurriak» eskatu dituzte portuko sutearen harira

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa «jazartzen» eta «zigorra ezartzen» ari zaiela ogitartekoak banatzen dituzten herritarrei

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko

Donostiako Harrera Sareak salatu du lau kide identifikatu dituztela etxegabeei janaria emateagatik