[Galeria] Elizalde Herri Eskolan hasi dira ihoteak

Elizalde Herri Eskolako ikasleak izan dira zakuak hartzen lehenengoak. Ikastetxeari izena ematen dion auzotik bueltaka ibili dira, musikak lagunduta.

ihoteak elizalde 2019 Elizalde Herri Eskolakoek festak goiz hasi dituzte.

Gaur arratsean hasiko dira, ofizialki, ihoteak. Elizalde Herri Eskolako ikasleek, baina, inoiz baino lehenago jantzi dituzte zakuak. Aurten, gainera, giro goxo batean egin dute, eguzkia bidelagun zutelako.

Ikastetxetik atera dira, eta Elorrondo kalean behera abiatu dira gurdi, traktore eta trikitilariek lagunduta. Bidean, aurpegia ezkutuan zuten xaxatzaileak agertu zaizkie, —literalki— adarra jotzeko. Arizmendi-enea gaur sorginen etxe bihurtu da, eta handik atera dira sorginak saltoka.

Ohi bezala, Done Eztebe plazan bukatu dute desfilea, dantzarekin. Igandean beste zita propio bat izango dute, karroxarekin. 11:00etan aterako da, Beheko Plazatik.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.