Pala txapelketa irekiko ligaxka bukatzear dago
Bederatzi partida jokatu dituzte pasa den asteburuan, eta hamar geratzen dira Giriziak antolatzen duen lehenengo fasea bukatzeko.
Zutik, Alegria, Juarez, Martin Maiz epailea eta Alain eta Eneko Arruabarrena. Euskal Herriko Pala Txapelketa Irekiko bederatzi partida jokatu zituzten pasa den asteburuan, Madalensoro pilotalekuan. Horietatik lehiatuena Eneko eta Alain Arruabarrena anaiek bikote oreretarrak poltsikoratu zutena izan zen. Alegria eta Juarezi puntu bateko aldeagatik irabazi zieten. Lehenengo aldia da arraubarrenatarrek zuriz jantzita txapelketa batean parte hartzen dutela, eta urduritasunak ez zien nahi moduan jokatzen utzi. Hala ere, garaipena beraientzako. Larunbatean erabakiko da aurrera egingo duten ala ez.
Beste bi partidatan ere joko polita egon zen, Antxordoki eta Martikorena bikoteak zein Arriaga eta Telletxeak eraman zituztenetan. (Ikus behean emaitzak).
Hamar partida geratzen dira lehen fasea bukatzeko, eta horietatik bederatzi asteburuan jokatuko dituzte (ikus hemen kartelera). Bestea bihar jokatuko dute, jai eguna izanik. Arizmendi eta Arbelaitz oiartzuarrak Arruti eta Muruaren kontrako ariko dira.
Lehen Maila
- Zabala – Arroniz / Arregi – Erleaga: 10-25.
- Arriaga – Telletxea / Ubeda – Zumeta: 25-19.
- Antxordoki – Martikorena / Txaparro – Azpeitia: 25-19.
- Goñi – Erburu / Irigoien – Almandoz: 17-25.
Bigarren Maila
- Murua – Arteaga / Arana – Olaizola: 25-20.
Hirugarren Maila
- Agirre – Mendigain / Martija – Galarraga: 25-7.
- Ijurko – Goñi / Berasaluze – Barinagarrementeria: 12-25.
- Alegria – Juarez / Arruabarrena – Arruabarrena: 24-25.
- Elizari -Eizagirre / Iraola – Laamirni: 10-25.
