Herriko kultura ondarea bilduko duen proiektuaren berri emango dute
Datorren ostegunean, hilak 11, udala herriko udalarekin eta eragileekin elkartuko da, orain arte egindako urratsen berri emateko.
Laster beteko da urtebete iniziatiba aurkeztu zutenetik. Oiartzungo Udalak pasa den urtean aurkeztu zuen herriko ondare kulturala biltzeko proiektua. Datorren ostegunerako, hilak 11, bilera deitu du udalak, proiektua nola doan azaltzeko. 18:00etan izango da, udaletxeko pleno aretoan.
Hainbat gai jorratuko dituzte gaur zortziko bileran: datu basearen egoera azaldu; Iñaki Arbelaitzen ondarearen bideratzea nola gauzatzen ari den azaldu; udal biltegian jasota dauden ondareak nola bideratu egoki zainduta egon daitezen; proiektuaren webgunean Oiartzungo Udalaren argitalpenak biltzeko asmoaren berri eman…
Informazioa emateaz gain, bilerara hurbilduko diren norbanako edo eragileek izan ditzaketen zalantzak argitzen saiatuko dira.
Ondarearen Mahaia urtarrilean bildu zen azkeneko aldiz. Ordutik egindako lanaren berri emango dute apirilaren 11ko batzarrean.
