Hondakinen tasa ordain daiteke ostegunetik aurrera
Maiatzaren 1etik ekainaren 30era bitartean izango da ordaintzeko aukera. Auto- edo auzokonposta egiten dutenek hobariak izango dituzte.
Konposta egiteak onurak izango ditu beste urte batez. Oiartzungo Udalak jakinarazi duenez, hondakinen tasa ordaintzeko epea irekiko dute datorren ostegunean, maiatzak 1. Ekainaren azkeneko egunera arte egongo da tasa hori ordaintzeko aukera. Ordainketa helbideratuta duten oiartzuarrei epearen erdian kobratuko diete kobratu beharrekoa, maiatzaren 30ean.
Bestalde, etxeko hondakin organikoekin autokonposta edo auzokonposta egiten duten oiartzuarrek %20ko hobaria izango dute hondakinen tasan. Oraindik organikoaren tratamendu horrekin bat egin ez dutenek Atez Ateko Bulegora dei dezakete (943 49 03 77).
