Truk txapelketa eta bertsoak, Arraguako festen aperitibo
Gaur gauean karta jokoan ibiliko dira Aldeguna elkartean, eta bihar bertso afariaren txanda izango da, Seabastian Lizaso eta Maialen Lujanbiorekin.
Maialen Lujanbio eta Sebastian Lizaso Aldegunara hurbilduko dira bihar. Arraguako festak ate joka daude, eta ohi bezala, beroketa saioa egingo dute aurreko asteburuan. Asteburu hori gaur hasiko da, eta Oiartzunen hain errotuta dagoen truk jokoaren txapelketarekin hasiko dute.
22:00etan hasiko dira jokoan, Aldeguna elkartean, eta sari ugari izango dituzte garaileek zein errepeska jokatzen dutenek (ikusi zerrenda behean). 15 euroren truke har daiteke parte.
Bihar, larunbata, bertso saioaren txanda izango da. Arraguako elkartean elkartuko dira afaltzeko, eta ondoren Maialen Lujanbio eta Sebastian Lizasoren bertsoekin gozatzeko aukera egongo da. Sarrerak 22 eurogatik eros daitezke, Miren, Kabitxo eta Amazkar tabernetan, agortu arte.
Truk txapelketako sariak
- 1. saria: Arkume bat, bi legatz eta mariskoa.
- 2. saria: Arkume bat eta bi ardo botila.
- 3. saria: Bi legatz eta ardo botila.
- 4. saria: Bi untxi eta ardo botila.
- Errepeskako 1. saria: Bi legatz eta langostino kaxa.
- Errepeskako 2. saria: Bi langostino kaxa eta bi xanpain botila.
- Errepeskako 3. saria: Bi oilasko.
