Emakumezkoen arraunaren egoera jorratuko dute Donibanen
Arrauna eta emakumeak hizpide hartuta, solasaldia egingo dute hilaren 7an, Pasai Donibaneko Juanba Berasategi auditorioan.
Azken urteotan emakumeek pauso sendoak eman dituzte kirolean, baita arraunean ere. Azken urteetan batelerek lortutakoa horren adierazgarri dira. Pasaiak arraunarekin duen harreman berezia dela eta, udalak eta San Juan Koxtape Arraun Elkarteak, emakumezkoen arrauna hizpide izango duen solasaldia antolatuko dute hilaren 7rako (ostirala).
Solasaldia Juanba Berasategi auditorioan egingo dute, 18:00etatik aurrera. Gaia ikuspegi ezberdinetatik heltzeko asmoz, arraunarekin lotura estua duten lau gonbidatuk hartuko dute hitza.
18:00: Maixabel Diago (Gipuzkoako Arraun Federakundearen Lehendakaria)
- Gipuzkoako emakumezkoen arraunaren egungo egoera
18:20: Uxue Zabala (Nazioarteko epailea)
- Emakumezko arraunlarien legedia.
18:40 Guruzne Azpiroz (Batelerak taldeko entrenatzailea)
- Pasaia: emakumeak eta arrauna. Oraina eta geroa.
19:00 Eva Mirones (Pasai Donibaneko arraunlari olinpikoa)
- Emakumezkoen arrauna mundu mailan.