Arkume Egunean izena emateko epea zabaldu dute gaur
Hilaren 25era arte eman daiteke izena, herriko hainbat txokotan. Kamisetak jasotzeko egunak hilaren 22an eta 23an izango dira.
Xanistebanak iristeko bi hilabete baino gutxiago falta dira. Herriko eragileak ari dira beren ekitaldiak prestatzen, eta horietako bat da jende gehiena mugitzen duenetako bat: Arkume Eguna.
Abuztuaren 6ko zita handirako izen-emate epea gaur bertan zabaldu dute, hilaren 25era arte. 30 euroko kostua izango du, eta kamisetak hilaren 22an eta 23an jaso beharko dira, Girizia Elkartean, 19:00etatik 21:00etara. Honakoa txokoetan eman daiteke izena:
- Arragua: Aldeguna elkartea.
- Elizalde: Txokolategia, Amazkar, Miren eta Makubi.
- Ergoien: Auzokalte elkartea.
- Gurutze: Bizardia elkartea.
- Karrika: Artaso elkartea.
