Fabian Iraolaren kartelak iragarriko ditu xanistebanak
Xanistebanetako Jai Batzordeko kideek aukeratu dute zein kartelek iragarriko dituen Oiartzungo festa nagusiak, 25 kartelen artean.
Egilea: Fabian Iraola Poirotte.
Xanistebanetako Jai Batzordea atzo arratsean elkartu zen, eta subjektibotasuna landu behar izan zuten. Izan ere, abuztuko festak iragarriko dituen kartela aukeratu behar izan zuten atzoko bileran. Guztira 25 aurkeztu dituzte, eta onena Fabian Iraola Poirittena dela ebatzi zuten.
Oiartzuar onena Eneko Salaberria Gonzalezen irudia izan zen, beste behin, eta bi akzesit banatu zituzten; June San Sebastian Sein eta Naiara Mitxelena Etxebestek jasoko dituzte. Gaztetxoen artean, Iker Dacosta Oiartzabal eta Mattin Etxebeste Sanzberrok jasoko dute 100TZE Sormen Espazioan ikasteko urtebeteko beka.
Eragileak
Xanistebanetako Jai Batzordeko kide diren eragile hauetako ordezkariek parte hartu zuten kartelaren aukeraketan: Aldeguna elkartea; Ardi Latxa elkartea; Artaso elkartea; Arraztalo; Auzokalte elkartea; Elizalde Herri Eskola; Ernai; Esku Garbia elkartea; Girizia Pala saila; Gure Esku Dago; Haurtzaro Atletismo Taldea; Haurtzaro Ikastola; HELTA; Ibargain elkartea; Ibargain Musika Eskola; Lartaungo txistulariak; Mindara; Oiartzungo Feministen Asanblada; Oihartzun Guk; Olarri eta Txost.
