Herriko gazteak Hernaniko sanjuanetara joango dira... autobusean
Hilaren 23ko gaua han pasatzeko autobusa antolatu du Oihartzun Guk-ek. Ekainaren 20a izango da izena emateko azkeneko eguna.
Hernaniko festek badute hasiera kutsua. Bai uda hasierakoak direlako baita eskualdetik kanpoko festen artean erreferente direlako. Arrazoia edozein dela ere, Oihartzun Guk-ekoek autobusa antolatu dute hilaren 23rako (larunbata).
23:00etan aterako da, Haurtzaro Ikastolako aparkalekutik. Buelta, berriz, 07:00etan egingo dute, Zinkoenetik aterata. Izena emateko azkeneko eguna hilaren 20a izango da, eta horretarako Kastro edo Sorgin tabernetatik pasatu beharko da.
10 euroko kostua izango du bidaiak, eta autobusa atera baino lehenago ordaindu beharko da. Norbaitek konpainia aurkitzen badu, abisa diezaiela lagunei…
