Oiartzungo Eskualdeko Nekazaritza Bulegoa Hernanira mugitu du
Gipuzkoako Foru Aldundiak jakinarazi duenez, Hernanin izango du egoitza berria. Datorren astean hasiko dira bertan zerbitzua ematen.
Mendiburu kaleko 14 zenbakitik Hernanira lekualdatuko dute. Gipuzkoako Foru Aldundiak jakinarazi duenez, Eskualdeko Nekazaritza Bulegoa Hernanira aldatuko dute. Etzi —ostirala— itxiko dute Oiartzungo bulegoa (Mendiburu kaleko 14 zenbakian dago), eta datorren asteartetik emango dute zerbitzua Hernanin.
Ibaiondo industriaguneko 27 zenbakiko bigarren solairuan egongo da bulego berria. Oiartzun eta Hernaniri zerbitzua emateaz gain, Errenteria-Orereta, Pasaia, Lezo, Hondarribia, Irun, Astigarraga, Lasarte-Oria eta Urnietari ematen dio zerbitzua.
Eskualdeko Nekazaritza Bulegoko arduradunekin harremanetan jartzeko, e-posta bidez egin daiteke edo honako telefono zenbakietara deituta: 943 49 17 87, 943 49 03 47 edo 943 49 06 69.
