Giza eskubideen urraketa lehen lerrora
Euskal presoen giza eskubideen alde aritu ziren eskubaloian larunbatean Orain Presoak iniziatibaren barruan. Izan ere, handball erakustaldia egin zuten Zumardian.
Erakustaldia amaituta familia argazkia egin zuten bildutakoek. Argazkia: Sare Herritarra Euskal presoen giza eskubideen alde aritu ziren eskubaloian larunbatean Orain Presoak iniziatibaren barruan. Izan ere, handball erakustaldia egin zuten Zumardian. Eskubaloi erakustaldia egin duten hirugarren aldia da euskal presoen eskubideen alde, eta aurten ere, herriko eskubaloi jokalarien inplikazioa ezinbestekoa izan du Sarek.
Zumardian egin zutenerakustaldia. Aragazkia: Sare Herritarra
Une honetan larri gaixo dauden bi preso oreretar daude. Mikel Arrieta eta Aitzol Gogorza. Espondilartropatia kroniko seronegatiboa HLA B 27 positiboarekin du Arrietak. Algeciraseko espetxean da, Euskal Herritik 1.100 kilometrora. Gaixotasun larria, sendaezina, eta endekapenekoa da Arrietak pairatzen duena. 2000 urtean espetxeratu zuten, eta azken urteetan Algecirasko espetxean dago. Lehen graduan sailkatuta dute preso oreretarra, eta isolamenduan dute. Gogorza pasa den apirila hasieratik ari da zigorra etxean betetzen, pultsera telematikoa jarria du, eta terapia egiteko eta mediku kontsultetara irteteko baino ezin du etxetik atera.
