Oiartzungo ehun gaztek egin dute musika zerrenda... eta gehiago nahi dituzte
12 eta 18 urte arteko gazteek xanistebanetan barraketan entzun nahi duten musika aukera dezakete. Fitxak zozkatuko dituzte parte hartzen dutenen artean.
Barrakak eta musika kontzeptuak eskutik helduta doaz. Oiartzunen —aurten ere bai— bertan entzungo den musika aukera dezakete 12 eta 18 urteko gazteek. Ehun gaztetxo oiartzuarrek egin dute beren musika zerrenda, eta parte hartu ez dutenek egiteko aukera dutela gogorarazi dute.
Gaztetxoek aukera dezaketen hamar abestietatik gutxienez zortzik euskaraz izan behar dute, euskara sustatzea baita iniziatiba horren helburuetako bat. Uztailaren 5era arte —datorren asteko ostirala— izango dute horretarako aukera, galdetegi hau beteta.
Bozgorailuek jariatuko duten musika ez dute musu truk egingo. Parte hartzen duten gaztetxoen aretan barraketarako fitxak zozkatuko dituzte, xanistebanetan (are gehiago) gozatzeko.
