Liburutegia goizez bakarrik irekita egongo da uztaila eta abuztuan
Manuel Lekuona biblioteka 09:00etatik aurrera egongo da irekita, ordutegi murriztuarekin. Irailaren 1ean bueltatuko da ohiko ordutegira.
Datorren astelehena uztaileko lehen eguna izango da, eta horrekin batera, Manuel Lekuona bibliotekak bere ordutegia aldatuko du. Uztailean eta abuztuan ordutegi murriztua izango du, eta goizez bakarrik irekiko dute. Astelehenetik ostirala 09:00etatik 14:00etara egongo da irekita. Larunbatetan, irekiera ordu bera izango du, baina ordubete lehenago itxiko dute.
Igandeetan bezalaxe, uztailaren 25ean eta 31n itxita egongo da liburutegia, baita abuztuaren 3an eta 15ean ere. Irailaren 1ean bueltatuko da ohiko ordutegira.
Uztailetik aurrera, Ikasle Gelaren ordutegia ere aldatuko da: 09:00etatik 17:00etara egongo da irekita, astelehenetik igandera.
