Txostek egun osoko pala jaialdia prestatu du biharko
9 eta 16 urteko palisten topaketa egingo dute goizean eta arratsaldean. 22 urtez azpiko eta senior mailetako Gipuzkoako finalak jokatuko dituzte Madalensoron.
Madalensoron eta ikastolan jokatuko dituzte biharko partidak. Txost pilota elkarteak pala topaketa antolatu du biharko, larunbata. Goizez zein arratsaldez arituko dira pilota erremintarekin astintzen.
Topaketan 9 eta 16 urte arteko palistek hartuko dute parte, Gipuzkoako hainbat txokotatik etorritakoak, baina baita Gasteizko Adurtza klubeko 25 bat gazte ere bai. 10:30etik aurrera, ikastolako frontoian zein Madalensoron ariko dira pilota jokoan.
Eguerdian denek elkarrekin bazkaldu ondoren, 15:30ean berriro ekingo diote lanari. Haur eta gaztetxoak zaharragoen telonero lanetan ariko dira. Izan ere, Txostek antolatzen duen pala txapelketako finalak jokatuko dituzte 17:00etatik aurrera. Zehazki, modalitate hauetan neurtuko dituzte indarrak: 22 urte azpiko paleta larruz eta senior mailako banakako pala motzean. Honakoak izango dira norgehiagokak:
- Estefano (Oiartzun) – Rekondo (Hernani) / Mutuberria (Irun) – Gaviña (Gasteiz).
- X. Ibarguren (Lazkao) – Vigeon (Landak).
