Bidegorriko argiztapena hobetuko dute, Altzibar eta Ugaldetxo artean
Bihar hasiko dira iluminazioa hobetzeko lanak. Faseka egingo dituzte obra horiek, ahalik eta gutxien eragiteko asmoarekin. Bi norantzak itxita egongo dira fase bakoitzean.
Lehenengo fasea Altzibartik Gaetxerainokoa izango da. Altzibartik Ugaldetxora arteko bidegorri tartean obrak egingo dituztela iragarri du udalak. Bihar hasiko dira, eta, zehazki, argiztapena hobetzeko izango dira.
Urrira arte iraungo dute lanek, eta faseka egingo dituzte, ahalik eta gutxien eragin dezaten. Lanek iraun bitartean, bi noranzkoak itxita egongo dira, dagokion fasean.
Lehen fasea Altzibartik Gaetxera bitartekoa izango da. Hilabete inguru iraungo dute lanek bertan. Bigarrena, berriz, Gaetxe eta Ugaldetxo artean egingo da, Atamitxeko zebrabidera bitartean. Azken fasea Ugaldetxon gauzatuko da: Atamitxetik Igerobi bideko bidegurutzea bitartean.
Inbertsioa 332.609 eurokoa dela adierazi du udalak.
