Barraken musikako zerrenda zehaztu dute 91 gaztetxok
Xanistebanetan Elizalde Herri Eskolako jolastokian zer entzungo den zehaztu dute. Parte hartzaile gehienak DBHkoak dira, eta neskak.
Oiartzungo gaztetxoek zehaztu dute Xanistebanetan jarriko dituzten barraketan zein musika entzungo den. Guztira, 91 gaztetxok hartu dute parte, eta partaidetza maila horrekin pozik daude udaleko Euskara Sailekoak. “Bikaina” bezala definitu dute iniziatibaren emaitza.
Parte hartu duten gaztetxo gehienak DBHkoak dira, eta neskak izan dira nagusiki (%57,14). Proposamenak egiterako momentuan, hamar kantetatik zortzi euskaraz izateko baldintza errespetatu dute, orokorrean.
Parte hartu duten gaztetxoak barraketarako fitxen zozketan parte hartuko dute. Abuztuaren 2an, festen lehenengo egunean, banatuko dituzte fitxa horiek. Honakoa izan da hautatutako abestiekin osatutako top-10 zerrenda:
- 1) Aldapan gora (Huntza).
- 2) Euritan dantzan (Gatibu).
- 3) Gure kaiola (Glaukoma).
- 4) Aske maitte (Gatibu).
- 5) Gogoak (Esne Beltza).
- 6) Ametsetan (En Tol Sarmiento).
- 7) Euskararen txantxangorria (Goazen!).
- 8) Udarako gau luzeak (Vendetta).
- 9) Aurrera Altsasu (Tximeleta).
- 10) Negua joan da ta (Zea Mays).