Onintza Ostolaza Oiartzunen nahi dutela adierazteko agerraldia egingo dute
11/13 sumarioaren barruan epaituko duten 47 euskal herritarretako bat da abokatu oiartzuarra. Abuztuaren 1ean izango da agerraldia.
2013ko irailean Guardia Zibilak 18 lagun atxilotu zituen Herrirako kide zirelako. Handik hilabete gutxira—2014ko urtarrilean—, euskal presoekin bitartekaritza lanak egiten zituzten beste zortzi pertsona atxilotu zituzten.
2015eko urtarrilaren 12an euskal presoen hainbat abokatu atxilotu zituzten, tartean Onintza Ostolaza oiartzuarra. Ondoren etorri ziren Etxerat eta Jaiki Hadi elkarteetako kideen atxiloketak. Guztira, 47 euskal herritar auzipetu dituzte 11/13 sumario horretan.
Irailaren 16an hasiko da haien kontrako epaiketa. Ostolazarentzako 11 urteko espetxe zigorra eskatzen dute. Zortzi eta 21 urte arteko zigor eskaerak eskatzen dituzte. Epaiketa hasi baino bi egun lehenago manifestazioa egingo dute Bilbon.
Oiartzunen, berriz, xanistebanak hasi baino lehenago egingo dute Onintza Ostolazari elkartasun adierazpena. Agerraldi bat izango da, abuztuaren 1ean —ostegunarekin—, plazan, 17:30ean hasita.
