Oiartzungo gazteriak indar erakustaldia egin du gaur. 630 lagunek txiki utzi dute Done Eztebe plaza eta ingurua.
10.301 Elkartasun Keinu egitasmoaren aldeko bazkari solidarioa izan da gaurkoa. 
Oiartzungo gazteriak indar erakustaldia egin du gaur; abuztuaren 5a gazteen eguna dela berretsi dute 630 oiartzuarrek. Eguraldiak gehiegi lagundu ez arren, kolore urdinez bete dituzte herriko plaza eta txoko guztiak. Aurten ere oso gutxik erabaki dute etxean geratzea.
Txupinazoarekin batera ekin diote gaurko festa egunari. Ondoren, sabela ondo betetzeko unea iritsi da. Kutsu solidarioa izan du gaurkoak. Izan ere, txartel bakoitzeko euro bat 10.301 Elkartasun Keinu egitasmoak jaso du.
Bada, nagusiak izan arren, gazteak ez dira gaurko protagonista bakarrak izan. Egunean zehar ekitaldi ugariz gozatu dute herritarrek, eta bertan ere HITZA izan da.
Ikusi egunean zehar jasotako irudiak:
