Lapurtutako auto bat gida-baimenik gabe gidatzen harrapatu dute
Ertzaintzak 22 urteko gizon bat atxilotu du AP-8an. Ibilgailua Alemanian lapurtutakoa zen, eta jabeari bueltatuko diote Range Roverra.
Ertzain-etxera eraman dute autoa. Ertzaintzak jakinarazi duenez, frantziar naziotasuna duen 22 urteko gizon bat atxilotu dute gaur goizaldean AP-8 autobidean, Alemanian lapurtutako ibilgailu bat gidatzeagatik. Hori gutxi ez balitz, gida-baimenik ez zuela frogatu dute ertzainek. Horregatik guztiagatik, gidaria atxilotu dute.
Adierazi dutenez, gertaera goizaldeko bostak inguruan izan da. Land Rover Evoque ibilgailua Oiartzunen gelditu da, eta —iturri berberek adierazi dutenez— frogak egitera joan dira, dena ongi zihoan baieztatze aldera. Ez zuen autoaren dokumentaziorik, ezta gida-baimenik ere. Gainera, autoa lapurtutakoa zela jakinarazi diete ertzain-etxetik. Lapurreta egiterakoan dokumentazioa ere eurekin eraman zuten.
Ibilgailua berreskuratu dute, eta polizia instalazioetara eraman dute. Benetako ibilgailua eskatzeko prozeduren zain geratuko dira.
