Gazteen Antzerki Eskolaren ikasturtea aurkeztuko dute bihar
58 ikasle izango dituzte 2019-2020 ikasturtean, eta Lur Korta eta Saioa Aizpurua arituko dira irakasle lanetan. Inoizko markarik onena da.
Inoiz baino ikasle gehiago izango ditu Oiartzungo Gazteen Antzerki Eskolak. Guztira 12 eta 18 urte arteko 58 gaztetxok eman dute izena. 2019-2020 ikasturteko plangintza bihar arratsaldean aurkeztuko diute, Karaez kaleko 4 zenbakiko lokalean. 19:00etan hasiko da aurkezpen saio hori.
Bost taldetan banatuta jasoko dituzte eskolak, Lur Korta eta Saioa Aizpurua irakasleen eskutik. Hiru taldek Karaez kalean entseatuko dute, eta beste bik, Kataxulo Gaztetxian.
