Llargueseko euskal selekzioa, Toscanara, Europako txapelketara
Asteburu honetan jokatuko dute bederatzigarren Europako Llargues Txapelketa. Euskal Herrian klubik ez denez, selekzioa joan daiteke.
Euskal Selekzioko kide batzuk, Beheko Plazan.
Bihar eta etzi bitartean, kluben arteko Europako Llargues Txapelketa jokatuko dute Toscanako hiru herritan. Euskal Herrian klubik ez dagoenez, euskal selekzioak parte har dezan baimendu du nazioarteko federazioak. Joxe Mari Mitxelena oiartzuarra da joko zuzenetako euskal hautatzailea.
Honako boskotea aukeratu du Txosteko kideak: Egoitz Amantegi (Abadiño), Inhar Ugarte (Getxo), Pantxoa Valencia (Senpere), Iban Jauregi (Zarautz) eta Iñaki Esnal (Larraul).
Bederatzi talde
Euskal selekzioarekin batera, beste zortzi talde arituko dira lehia bizian. Valentziako Benidorm, Parcent eta Relleu; Belgikako Kerksken eta Thielelain; Frantziako Maubeuge; eta Italiako Torniella eta Scalvaia.
Larunbatean liga fasea jokatuko dute, hiruna taldeko hiru multzoetan (ikus egoitzak eta multzoak behean). Talde bakoitzeko lehen sailkatuak eta bigarren sailkatu onenak igande goizean jokatuko dituzte finalerdiak, eta arratsaldean jokatuko dute finala.
Euskal selekzioak maila handia eman zuen iaz, Franekerren (Herbehereak) jokatutako nazioen arteko txapelketan. Italiako zitan lehiakorrak izatea da euren helburua, nahiz eta gainontzeko taldeak urte osoan aritzen direla jakin badakiten.
Egoitzak eta taldeak
- Monticiano: Parcent, Maubegue eta Sclavaia.
- Torniella: Thielain, Relleu eta Torniella.
- Ciciano: Kerksksen, Benidorm eta Euskal Selezkioa.
