Oiartzun Irratia itxita egongo da astebetez, konponketa lanengatik
Azaroaren 4tik 8ra ez da egongo 'Arguyuan' saiorik. Azaroaren 11n bueltatuko direla ziurtatu dute, eta sekula baino indar handiagoarekin bueltatuko direla.
Alazne Etxeberria eta Irati Odriozola, Oiartzun Irratiko esatariak.
Oiartzun Irratiak jakinarazi duenez, azaroaren 4tik 8ra bitartean ez da Arguyuan saiorik izango. Izan ere, konponketa lanak egingo dituzte datorren astean zehar, eta horrek emisioa etetea bideratuko duela azaldu dute irratiko arduradunek.
“Azaroaren 11n itzuliko gara sekula baino indar handiagoarekin eta gure entzule guztiek merezi duten kalitatearekin”, esan dute.
Eskerrak eman dizkiote Oiartzungo Udalari, irratiaren alde egiten duen apustu irmoagatik. Entzuleekin ez dira ahaztu: haiei ere euren babesa eta pazientzia eskertu dizkiete.
Aste honetan bai egingo dutela Arguyuan saioa. Oiartzun Irratia entzuteko, 106.5 diala sintonizatu behar da, FMn. Eta saio zaharrak hemen aurki daitezke.
