Pasaiako badia argiztatuko dute
Pasaiako badia argiz beteko du Gure Eskuk. Asteazkenean (hilaren 30ean) herritarrei deia egin die, beste toki batzuetan egin bezala, badia ere argitu dadin.
17:00etan gelditu dira, Donibaneko Errekan eta San Pedroko Torrean. Gure Eskuk Pasaiako badia argiztatuko du hilaren 30ean (asteazkenean). Euskal Herriko beste herri, mendi edo parajeetan egin bezala, asteazken arratsaldean badiaren bokaleari argia eman nahi diote, ‘Argi dugu bidea’ izenburuan burutu nahi duten ekintzarekin.
17:00etarako egin dute hitzordua, bi tokitan: Donibaneko Errekako arkuan, edo San Pedroko arkuan. Bi kokaleku horietan egoteko aukera dute deialdiarekin bat egiten dutenek. Han banatuko dute partaideak non jarriko diren.
Gure Eskuk frontalak (buruan jartzen diren argiak) edo argia ematen duten gailuak, banderak eta “ilusioa” eramateko eskatu die partaideei.
