Joanes Larretxea etxeratzea eskatuko duen lasterketa aurkeztu dute
Presoaren Euskal Herriratzea eskatuko dute abenduaren 29an, espetxeratzearen hamargarren urteurrenean. Korrikalariek 6,5 kilometroko ibilbidea egingo dute.
Larunbatean aurkeztu zuten lasterketa.
Urteko azkeneko astean, Oiartzunen, presoen politikaren sakabanaketarekin bukatzeko lasterketa egin ohi izan dute. Aurten, gainontzekoak ahaztu gabe, Joanes Larretxea herriko presoa Euskal Herriratzea eskatuko dute. Izan ere, aurten hamar urte beteko dira espetxeratu zutela.
“Salbuespen egoera horren amaiera exijitzeko eta etxeratze bidean jartzeko herritarrok urratsak emango ditugu, pausoak emango ditugu Joanes Euskal Herriratze bidean jartzeko”, esan dute antolatzaileek. Herritar guztiak gonbidatu dituzte Joanes Euskal Herrira lasterketarekin bat egitera.
6,5 kilometro
Sakabanaketaren eskaerarekin batera, aldatuko ez den beste gauza bat izango da lasterketaren distantzia izango da: parte hartzaileek sei kilometro eta erdiko ibilbideari aurre egin beharko diote.
Izena emateko, Elorsoro kiroldegitik pasatu daiteke, edo Herrikrosaren webgunearen bitartez egin. Abenduaren 26ra arte eman daiteke izena, hamar euroren truke. Egunean bertan eginez gero, 15 eurora igoko da. Haurren izen ematea egunean bertan egin beharko da.
Aurreko urteetako bloga ere martxan dute.
