Joxe Leibar eta Olatz Freire, oiartzuarrik azkarrenak asfalto bustian
Leibarrek ordu eta laurdenean egin du Behobia-Donostia. Freirek, berriz, ordu eta erdi pasatxo bat behar izan hogei kilometroak betetzeko.
Lasterketa, Antxotik pasatzen. Aje eguna da gaurkoa. Ez bakarrik hauteskunde batzuen ondorengo eguna delako. Behobia-Donostiaren biharamuna da, eta sailkapenari begirada patxadatsua emateko eguna da.
Fortuna Kirol Elkarteak emandako sailkapenen arabera, Joxe Leibar eta Olatz Freire oiartzuarrak izan dira gizon eta emakumerik azkarrenak. Behobia eta Donostia lotzen dituen lasterketa bukatu zuten 27.000 lagunetatik 83 izan ziren oiartzuarrak. Hemen azpian, nabarmenduta, gizon eta emakumeen podiumak. Beherago, Oiartzungo lasterkarien sailkapen osoa:
Hiru gizon azkarrenak
- Joxe Leibar Darceles: 1.15:44.
- Egoitz Izagirre Beloki: 1.19:36.
- Juan Carlos Hernandez Urbano: 1.21:36.
Hiru emakume azkarrenak
- Olatz Freire Fernandez: 1.32:36.
- Agurtzane Zubizarreta Gerendiain: 1.38:09
- Ana Garcia Egido: 1.40:27.
Bulebarreko marra gurutzatu zuten oiartzuar guztien izen eta denborak ikusteko, sakatu esteka honetan.
