Oiartzun Irratia emanaldietara bueltatu da, udalak lagundutako obren ondoren
Oiartzungo Udalak 15.500 euroko diru laguntza eman du Oiartzun Irratiaren emisioa hobea izan dadin. Mahai eta antena berria dituzte, eta saioak bueltan dira.
Oiartzun Irratia gaur bueltatu da ohiko emisioetara. Pasa den astean etena egin zuten, seinalea hobetzeko lanak zirela eta. Gaur Arguyuan saioa bueltatu da, ohiko edukiekin, FMko 106.5 sintonian.
Oiartzungo Udalak lagundu egin du emisio hobea lortzeko inbertsioan. Guztira, 15.500 euro bideratu dizkio euskarazko hedabideari. Antena berria eta kontrol mahai berria jarri dituzte estudioan.
