[Galeria] Kontrako eztarritik, baina digestio onarekin
Bertso saio literarioa egin dute Oiartzunen. Alaia Martin, Miren Artetxek eta Uxue Alberdik bertso saioa eskaini zuten atzo arratsean, A25aren harira.
Alaia Martin, Uxue Alberdi eta Miren Artetxe. Danele Sarriugarte idazlea gai-jartzaile lanetan zela, bertso saio polita —ikuspuntu feminista batekin— eskaini zuten atzo arratsean Oiartzungo pleno aretoan. Alaia Martin, Miren Artetxe eta Uxue Alberdi izan ziren Kontrako eztarritik bertso saio literarioa eskaini zutenak.
Alberdiren izen bereko liburuan oinarritu dira ikuskizun hori oholtzetara eramateko, eta liburua bera hizpide izan zuten. Atzoko ekitaldiarekin hasi zuten indarkeria matxistaren kontrako sentsibilizazio eta kontzientziazio kanpaina. Kontrako eztarrira ezer gehiago joan ez dadin.
Gainontzeko ekitaldiak
- Hilak 20, asteazkena: Kurdistango YPJ defentsei buruzko Comandante Arian dokumentala (zuzendaria: Alba Sotorra) eta El salto. Ondoren, eztabaida Euskal Herriko Bilgune Feministako eta Rojavako Brigada Feministako Maddi Gallastegirekin (udaletxeko areto nagusian, 19:00etan).
- Hilak 22, ostirala: Erradikalak ginen, gara eta izango gara. Ane Labaka bertsolaria eta Beatriz Egiazabal umorista artista (udaletxeko areto nagusian, 19:00etan).
- Hilak 23, larunbata: Autodefentsa tailerra, Maitena Monroyrekin (udaletxeko areto nagusian, 09:00-18:00).
