Bertso-tailerra egingo dute gaur eta bihar San Pedroko liburutegian
Trintxerpeko bertsolari eta aurkezle Eider Perezek gidatuko ditu gaurko bi saioak, 16:30etik 19:00etara.
Saioak 16:30tik 19:00etara egingo da San Pedroko liburutegian.
Bertsolaritza izango dute hizpide gaur eta bihar San Pedroko liburutegian. Haur eta gazteei zuzendutako bi saioko bertso-tailerra antolatu du Pasaiako Udalak. Arratsaldez egingo dira, 16:30etik 19:00etara eta Eider Perez bertsolari eta aurkezleak gidatuko ditu. Edonork parte hartu ahalko du, metodologia ludikoa eta norberaren mailaren araberakoa izango da eta.
Bertso-tailerrak hiru helburu beteko dituela jakinarazi dute antolatzaileek: Garai bateko zein gaur egungo bertso eta bertsolarien errepasoa eginez, bertsolaritzaren testuinguru historikoa ezagutuko dute. Kantu eta jolasen bidez bertsoaren oinarrizko edukiak aurkeztuko dituzte, hau da, errimak, doinuak eta neurriak. Gainera, taldean edo nor bere kabuz idatzizko kopla bat sortzeko baliabideak landuko dira, hori baita zaletasuna pizteko eta trebatzeko modurik onena.
