Bilbo eta Baionara deitu du Sare Herritarrak
Bilbora joateko autobusetarako txartelak Arkaitza, Sindikato eta Landare tabernan eros daitezke; Baionara joateko ez dute autobusik antolatu, eta hala nahi dutenek, beren kabuz joan beharko dute.
Pasa den abenduaren 29an larri gaixo diren presoen alde egindako mobilizazioan Bilbo eta Baionara deitu zuen Sare Herritarrak. Argazkia: Sare Herritarra Milaka eta milaka lagun bilduko dira Sare Herritarrak larunbaterako deitu duen manifestaziora, beste behin ere. Orain presoak leloarekin, bi deialdi izango dira, Baionan bata, eta Bilbon bestea. Baionan 15:00etan abiatuko da manifestazioa Laugatik eta bertara joateko autobusik ez da antolatu, beraz, Baionara egiten dutenek, beren kabuz heldu beharko dute manifestaziora.
Bilboko manifestazioa 17:00etan abiatuko da Casillatik. Bertara joateko autobusetarako txartelak Landare, Sindikato eta Arkaitza tabernetan eros daitezke ostiralera arte 10:00euroan. Bi aukera izango dituzte Bilbora joateko hautua egin eta autobuserako izena ematen dutenek, izan ere, goizetik abiatuko den autobusa izango da, eta beste bat arratsaldeko manifestaziorako antolatu dutena. Goizetik abiatuko den manifestaziorako izena Landare tabernan eman behar dute interesdunek, eta 10:30ean irtengo da Panierretik. Arratsaldekoa berriz, 15:00etan abiatuko da leku beretik.
