Lorpen handiak EATko kirolarientzat Atletismoko Euskadiko Master Txapelketan
36 dominarekin itzuli dira Errenteria-Oreretara EATko atletak: 19 urre; 7 zilar; eta 6 brontze. Gainera, bi laugarren postu ere eskuratu dituzte.
Parte hartu duten atletek beren dominekin. Argazkia: EAT. Errenteriako Atletismo Taldea EAT joan den asteburuan Anoetako belodromoan izandako Atletismoko Euskadiko Master Txapelketan izan da eta lorpen handiekin itzuli da etxera. Taldeko 20 atletek hartu dute parte, 9 emakume eta 11 gizon eta taldea egiten ari den lan handia nabarmen utzi dute berriz ere, lortutako emaitzekin.
36 dominarekin itzuli dira Errenteria-Oreretara EATko atletak: 19 urre; 7 zilar; eta 6 brontze. Gainera, bi laugarren postu ere eskuratu dituzte. Hurrengo erronka, banakako zein taldekako Espainiako txapelketa izango dutela zehaztu du atletismo taldeak.
Emaitzak atletaz atleta
- Ines Peres F75: Urrea 60 metroko eta 200 metroko lasterketan.
- Gemma Garmendia F60: Urrea 60 metroko lasterketan.
- Cristina Chueca F50: Zilarra pisuan.
- Dana Romero F40: Urrea luzera jauzian.
- Esther Estefania F60: Urrea 800 metroko lasterketan eta 1.500ekoan.
- Ade Rubio F40: Zilarra 800 eta 1.500 metroko lasterketetan.
- Belen Salvador F40: Urrea 800 eta 400 metroko lasterketetan.
- Montserrat Mostaza F45: Urrea altueran eta 60 metroko hesi lasterketan.
- Xabier Zabaleta M35: Brontzea 60 eta 200 metroko lasterketetan.
- Jose Tomas M45: Brontzea 60 eta 200 metroko lasterketetan.
- Javi Gomez M55: Brontzea pisu jaurtiketan.
- Rafa Ferrer M60: Urrea 400 metroko lasterketan.
- Alberto Quintana M50: Urrea altueran, hesietan eta pisuan.
- Patxi Riezu M55: Zilarra 60 metroko hesi lasterketan, pisuan eta 800 metroko lasterketan eta brontzea altuera jauzian.
- Joxe mari Manterola M60: Urrea jauzi hirukoitzeko proban, luzera eta 60 metroko hesi lasterketan.
- Arkaitz Aginagalde M45: Laugarrena 1.500 metroko lasterketan.
- Miguel Harina M55: Urrea luzera, eta jauzi hirukoitzan, zilarra 400 metroko lasterketan eta laugarrena 60 metroko lasterketan.
