Ipar Euskal Herriko eta bertako eskubaloia, larunbatean Lezon
Ipar Euskal Herriko Stade Hendayais eta Zibero Tardets taldeek, eta ondoren Munttarpeko neskek jokatuko dute Bekoerrotan.
![](https://oarsoaldea.hitza.eus/site/files/2020/01/zibero.png)
Kirol proposamen erakargarria prestatu du biharko (hilak 11, larunbata) Munttarpe Eskubaloi Klubak: Ipar Euskal Herriko bi taldek euren arteko partida jokatuko dute 16:00etan Bekoerrota kiroldegian, eta ondoren, 18:00etan, klubeko emakumeen txanda izango da.
16:00etako partida, Bidasoa ibaiaz haragoko gizonen taldeena, Stade Hendayais eta Zibero Tardets N2 taldeen artekoa izango da. Hendaiako taldea Frantziako Hirugarren Mailan dago, eta Tardets (Atharratze-Sorholüzeko eskubaloi taldea da), eta Zuberoakoa Frantziako Bigarren Mailan. Partida ona aurreikusten da.
Emakumeek Munttarpek, berriz, Irunen sortu berri den Txingudi Egaindar taldeari egingo dio aurre.