Oiartzungo kirol taldeek asteburu ia biribila izan dute
Mutilen lehenengo futbol taldea kenduta, gainontzeko talde guztiek punturen bat lortu dute asteburuetan jokatutako partidetan.
Oiartzungo nesken bigarren taldeak zazpi gol sartu zizkieten bizkaitarrei. Zirkunferentzia batek 360 gradu ditu eta Oiartzunek bederatzi talde. Kirol taldeen emaitzak biribiltzeko, 40 gradu falta izan zaizkie. Izan ere, Oiartzun Kirol Elkarteko mutilen talde nagusia kenduta, beste talde guztiek puntuak lortu dituzte. Eta gehienek garaipena, gainera.
Mutilek gol batengatik galdu zuten, partida hasieran jasotakoa. Aukera asko izan zituzten berdintzeko, baina ez zuten asmatu bidezkoagoa izango litzatekeen emaitza bat eskuratzea.
Neskek 1-0 nagusitu ziren Mulierren kontra. Oiartzuarren eta nafarren arteko partida joan-etorrikoa izan zen, baina asmatu zuen bakarra Naroa Susperregi izan zen. Neskek bolada onari jarraipena ematen diote horrela.
Gainontzeko futbol taldeei dagokienez, nesken bigarren taldeak gol zaparrada eskuratu zuen atzo arratsaldean, zaleen gozagarri. Beste biek puntu bana lortu zuten.
Areto futbolean, Miren Tabernak garaipena lortu zuen, aspaldiko partez. Eta saskibaloian ere bai, bitik bi.
FUTBOLA
Gizonen Erregional Ohorezko Maila
- Oiartzun — Aretxabaleta: 0-1.
Emakumeen Lehen Nazionala
- Oiartzun Antiguoko — Mulier: 1-0.
Gizonen Erregional Preferentea
- Oiartzun — Allerru: 0-0.
Emakumeen Euskal Liga
- Oiartzun Intxaurdi – Sestao: 7-1.
Emakumeen Gorengo Maila
- Oiartzun Intxaurdi — Allerru: 2-2.
ARETO FUTBOLA
Gizonen Gipuzkoako Lehen Maila
- Oiartzun — Xuga Gure Txokoa: 5-2.
Gizonen Gipuzkoako Bigarren Maila
- Teep Samaniego Orixe Tolosaldea — Miren Taberna OKE: 2-4.
SASKIBALOIA
Gizonen Gipuzkoako Lehen Maila
- Electricidad Perosanz — Oiartzungo Saskilagunak: 42-56.
Gizonen Gipuzkoako Hirugarren Maila
- Oiartzungo Saskilagunak — Avia Eibar Saskibaloia: 52-48.
