San Juanen hiru garaipen Batel Ligako lehen jardunaldian
Hibaikako eta Illunbeko batelek ere parte hartu dute Donostiako estropadan. Hurrena, otsailaren 2an Pasaian.
Urumea ibaian, Loiolan, izan zen estropada. Larunbat arratsaldean egin zuten Donostiako Urumean, Loiolako eremuan, Gipuzkoako Batel Ligako lehen jardunaldia. Oarsoaldeko ontzien artean, egunari etekin handiena atera ziona San Juan izan zen, hiru garaipen lortu zituelako: mutilen Haur Mailan, nesken Promesa Mailan, eta mutilen Gazte Mailan (bigarren postua ere eskuratu zuten maila horretan). Bidasoko ordezkaririk ez da izaten bateletan. Oarsoaldekoen artean, San Juanez gain, Hibaika eta Trintxerpe-Illunbe izan ziren.
San Juanen beste postuei dagokienez, ohorezko gehiago: bigarren izan ziren nesken Haur Mailan, hirugarren mutilen kadeteetan nahiz nesken gazteetan, bigarren nesken Absolutuan, eta laugarren gizonen Senior Mailan.
Hibaikako ontziek ere jardun zuten Loiolan. Hala, nesken haurretan laugarren izan ziren errenteriarrak; nesken promesetan, seigarren; mutilen kadeteetan 13. eta 14.; nesken Gazte Mailan laugarren; neska absolutuetan seigarren, eta mutilen Gazte Mailan zortzigarren.
Trintxerpe-Illunbek izan zuen ordezkaritzarik herrialdeko ligako lehenean. Mutilen Haur Mailan seigarren izan ziren urdinak; mutilen kadeteetan 15.; mutilen Gazte Mailan 6. eta 7. kokatu ziren; eta gizonen Senior Mailan bosgarren.
Donostiako estropadako sailkapen osoa ikusteko, sakatu ondoko esteka: Gipuzkoako Batel Liga, lehen jardunaldia (PDF artxiboa).
