Bizilagun komunitateen birgaitze efizienteari buruzko tailerra, hilaren 28an
Oarso Hiru R iniziatiba sortu dute, etxebizitza komunitateetan birgaitze eta efiziente eta adimendunak era integralean eskainiko dituzte.
Oarso Hiru R iniziatiba sortu dute. Helburua izango da etxebizitza komunitateei birgaitze efiziente eta adimendunak eskaintzea, modu integral batean.
Oarsoaldea Garapen Agentziaren bidez, eskualdeko lau udalerrietan tailerrak egingo dituzte. Oiartzungoa hilaren 28an —asteartearekin— izango da, udaletxeko pleno aretoan. 19:00etan hasiko da saioa.
Bi ordu iraungo ditu saioak. Oarso Hiru R iniziatiban parte hartzen duten bost enpresetako ordezkariek emango dituzte saioak. Etxebizitza komunitateetako bizilagunei azalduko dieten nolakoak diren eraikinen birgaitzean eta energia efizientzia arloko laguntzak, diru-laguntzak eta araudiak.
Errenteria-Oreretakoa izango da lehen saioa. Hilaren 21ean izango da, Reina Aretoan. Lezokoa bi egun geroago, Donibane kaleko kultur etxean. Pasaiakoa, berriz, Donibaneko Juanba Berasategi kulturgunean egingo dute, hilaren 30ean. Guztiak 19:00etan hasiko dira.
