Diru laguntza lerro berria zabaldu du udalak 700. urteurrenaren egitaraua sortzeko
Urteurren hori merezi moduan ospatzeko lanean hasia da udala, eta lan hori herritarrekin batera egin nahi du, elkarlanean; diru laguntza deialdi berezia jarri du martxan horretarako.
Argi urdinak udaletxean, osasungintza publikoko langileei aitortza egiteko. Joan den martxokoa da argazkia. Berezia izango da aurtengoa Errenterian, izan ere, hiribildua eratu zenetik 700 urte beteko baitira datorren apirilaren 5ean. Urteurren hori merezi moduan ospatzeko lanean hasia da udala, eta lan hori herritarrekin batera egin nahi du, elkarlanean; diru laguntza deialdi berezia jarri du martxan horretarako. Eragileek, otsailaren 2ra arte izango dute proposamenak helarazteko aukera.
Egitaraua kronologikoki banatutako hiru bloke handiren gainean osatuko da: Nondik gatoz? galderari erantzungo dioten ekintzak apirila eta ekaina artean gauzatuko dira; Nor gara? galderari erantzuten dioten ekintzak ekaina eta iraila artean gauzatuko ditu; eta Nora goaz? galderari erantzuna emango diotenak iraila eta abendu artean.
Diru laguntza esparrua irekia dela esan du udalak, eta edozein arlo edo diziplina landu daitekeela, “betiere, aipatutako bloke bakar bati lotura zuzena egiten badio”. Eragileek gehienez, hiru proposamen aurkeztu ahal izango dituzte, eta onartutako proposamenak %100ean finantzatuko dira. Diru laguntza deialdiaren oinarriak osorik Errenteriako Udalaren webgunean kontsulta daitezke.
