Jolasen musikala egingo du Oarsoirria proiektuak
Jolasetan oinarrituta mozorrotuko dira, baina gainera, musikala antolatu du otsailaren 22an inauteri larunbatean Oarsoirriak proiektuak.
Ooarsoirriaken argazki bat inauterietan. Jolasak aukeratu dituzte Errenteria-Oreretako bizilagunek aurtengo inauterietarako, eta proposamenarekin bat egin du Oarsoirriak proiektuak beste behin ere. Jolasetan oinarrituta mozorrotuko dira, baina gainera, musikala antolatu dute otsailaren 22an inauteri larunbatean, eta horretan parte hartzera deitu dituzte herritarrak.12:00etan abiatuko da Oarsoirriaken Kalejira Merkatuzarretik.
Musikak lagundutako ibilbidea egingo dute herri erdialdeko kaleetan barrena, 12:00etan Merkatuzar pareko parketik abiatuta, eta bidean zehar, geldialdiak egingo dituzte, taldeka koreografiak dantzatzeko. Dantza kolektibo bat ere egingo dute. Zumardian izango da hori, eta Pirritx, Porrotx eta Marimotots pailazoen Mozorro zomorro kantarekin osatutako koreografiak dantzatuko dituzte.
Aurretik ordea, prestatu egin behar dute, eta horri begira entseguak antolatu dituzte otsailaren 8an eta 15ean 17:00etan hasita Merkatuzarren. Bideoa ere grabatu dute, etxean entseatu nahi dutenek horretarako aukera izan dezaten.
Honakoa izango da familien kalejiraren ibilbidea: Merkatuzar pareko plaza, Foru Plaza (geldialdia), Biteri (Geldialdia), Xabier Olaskoaga plaza (geldialdia), Morrongilleta, Koldo Mitxelena plaza (geldialdia), Maria Lezo, Madalena kalea, Herriko plaza (geldialdia), Zumardia (geldialdia). Zumardian bertan, dantza kolektiboa egingo dute 13:00etan. Informazio gehiago nahi dutenek mezua bidal dezakete Oarsoirriak proiektuaren posta elektronikora
