Konpostatzen duten familiek 43.252 kilo bio hondakin kudeatu dituzte
Errenteria-Oreretako 158 familiek egiten dute etxeko konposta edo auzokonposta; zehazki, 102k konpostatzen dute sortzen duten bio hondakina etxean bertan, eta 56 familia dira herrian dauden sei guneetan auzo konposta egiten dutenak.
Auzo Konposta gunea Gaztañon. Errenteria-Oreretako 158 familiek egiten dute etxeko konposta edo auzokonposta; zehazki, 102k konpostatzen dute sortzen duten bio hondakina etxean bertan, eta 56 familia dira herrian dauden sei guneetan auzo konposta egiten dutenak. Horiek guztiek, iaz, 43.252 kilo bio konposta kudeatu zituzten. Etxeko konposta egiten duten familien artean 30 bizi dira hirigunean, 20 Zamalbide auzoan, beste 20 Zentolen inguruan, 20 alduran eta 12 San Marko inguruan.
Auzokonposta egiteko guneak 2014 urtean jarri zituen martxan udalak. Auzoz auzo, honakoa da parte hartzea: Agustinetan 8 familiek egin dute bat eta 19 lagunen bio hondakina kudeatzen dute; Alabaergan 12 familia dira eta 35 herritarren bio hondakina kudeatzen dute; Fanderian 13 familia ( 40 herritar), eta Gaztañoko bi konpostaje guneetan 213 familia (62 herritar). Gainera, Uztargi haur eskolak, eskolako eremuan bertan kokatua duen konpostagailuan sukaldean sortutako bio hondakinak kudeatzen ditu.
