"Gutxieneko zerbitzu publiko duin eta kalitatezkoak" aldarrikatu dituzte
Pasaiako udaltzainek esan dute langile eskasia dutela, eta hutsik dauden plazak ez direla bete.
Trintxerpen egin den elkarretaratzearen une bat. Pasaiako Udaltzaingoaren Batzarrak deituta, Trintxerpeko azokaren parean elkarretaratzea egin dute gaur goizean “gutxieneko zerbitzu duin eta kalitatezkoak” eskatzeko.
Talka egin dute Pasaiako Udaltzaingoaren Batzarrak eta udalak, lan poltsa hustu delako. Abenduaren 12an Pasaiako Udaltzaingoaren langileen batzarrak, erakundeak egun bizi duen langile falta salatu zuen, HITZAra bidalitako gutun baten bidez.
Udaltzainen arabera, langile eskasia dute, Arkautetik bete beharko lituzkeen plazak ez direlako betetzen ari. Pasaiako Udal Gobernuak bestelako iritzia du. Iruzurretan aritzea egotzi dio Udaltzaingoaren langileen batzarrari. Gatazkak bitartean, udaltzainek herritarrei eskaintzen dieten zerbitzuari zuzenean eragin dio.
