Ikasgeletatik, herriaren aldeko lanean
Lezo Herri Eskolak eskaintza integrala du, euskaltzalea, euskalduna eta eleanitza. Herrian ekarpen handia egiten du, eta ingurumenarekin konpromisoa adierazten duten ekintzak egiten dituzte.
Euskararen Egunaren harira, Euskarametroa egin zuten. Argazkia: Lezo Herri Eskola. EDUKI BABESTUA – LEZO HERRI ESKOLA
Herriak sortutako eskola da Lezo Herri Eskola, eta ikasleak erdigune izanez, herriko ekintza, ekitaldi eta jaietan parte hartzaile aktibo dira, herrian integratua dago, kalitatezko zerbitzua eskainiz. Eskaintza euskaltzale, euskaldun eta eleanitza da Lezo Herri Eskolarena. Herritik sortutako egitasmoa, eta herriari osoki zabalik dagoen hezkuntza proiektua da, guraso elkarte aktiboarekin gainera. Eskola Talaia egitasmoaren bitartez, gainera, ikastetxe osoan euskararen erabileraren aldeko neurri sorta ziurtatuta dago, bestalde.
Baina hori bakarrik ez: eredu da Lezo Herri Eskola, hainbat arrazoi medio. Tartean, ingurumenarekin eta planetarekin duten konpromisoa dago, ikasleek eta komunitate osoak bere egin dutena.
50/50 izeneko egitasmo berriko partaide da, energia eraginkortasunean urratsak egiteko Oarsoaldeko proiektua, Lezoko Udalarekin eta eskola komunitateko partaide guztiekin elkarlanean. Proiektu horren bidez lortu dutena da ikastetxean C02 isurketak asko murrizketa, %15 inguru, eta horrekin batera diru aurrezki garrantzitsua egin dute.
Ingurumen arloarekin segiz, baratze propioa dute Herri Eskolan. Ikasleek aukera dute naturarekin harremana izateko nahiz bere prozesu naturalak ezagutzeko eta errespetatzeko. Konposta egiteko gunea ere badute, zeina euriaren bidez ureztatzen den ura xahutu gabe.
Zerbitzuak
Ikasleei ematen dieten zerbitzua integrala da. Hala, Lezoko eskaintza publikoaren bitartez 0-16 adin tartean egin daitezke, herritik mugitu gabe, ikasketak Lezon: 0-2koek Haurtxo Haur Eskolan; 2-12 tartekoek Lezo Herri Eskolan, eta 12-16 urteen artean daudenek Lezo Institutuan.
Herri Eskolari dagokionez, jangelan sukalde propioa dute, bertan egiten dute ikasleentzat bazkaria egunero-egunero. Gainera, garraio zerbitzua eta goiz txokoa daude eskuragarri.
LEZO HERRI ESKOLA
-
Helbidea. Euskal Herria plaza, 1. 20100, Lezo.
-
Telefono zenbakia. 943 51 48 04.
-
Posta elektronikoa. Hemen sakatu helbide elektronikoa lortzeko.
-
webgunea. www.lezoherrieskola.eus.
