Sanjuandarrak, dantzan
ETB1eko 'Dantzatzen den herria' telebistako saioan protagonista izan dira Donibaneko biztanleak. Asteazkenean eman zuten sanjuandarren atala.
ETBko saioko bideotik ateratako irudia. Argazkia: eitb.eus - 'Dantzatzen den herria' Pasai Donibaneko biztanleak protagonista izan ziren joan den asteazkenean ETB1 telebista katean (22:15ean) eman zuten Dantzatzen duen herria saioan. Saioaren mamia da herrietako biztanleek lipdub bat egitea, Gotzon Poza dantzari eta koreografo antxotarraren agindupean, eta Itziar Alduntzin aurkezleak gidatuta. Saioan parte hartzen dutenei elkarrizketak ere egiten dizkiete, eta herri bakoitzak dituen berezitasunen eta kultura adierazpideen berri ematen da aldi berean.
Sanjuandarrek parte hartu zutena telebista saioko hirugarren emanaldia izan zen. Ia herri osoak parte hartu zuen Donibane kaletik zehar egin zen dantza jarraian. Herritarrak, pozik.
Saioa osorik ikusteko, sakatu ondoko estekan: ETB1eko ‘Dantzatzen den herria’ saioa, Donibaneko atala.
