Osteguneko greba orokorraren harira, hainbat mobilizazio Lezon
Ostegunean, goizean eta arratsaldean mobilizazioak egingo dituzte herrian. Bihar (asteartea), auto karabana egingo dute.
![u30 greba orokorra](https://oarsoaldea.hitza.eus/site/files/2020/01/eozihziwkaajkze.jpg)
Euskal Herriko Eskubide Sozialen Kartak deitutako greba orokor deialdiarekin bat egin dute Lezon. Ostegunean da greba orokorra. Egunaren aurretik hainbat jarduera egin dituzte herrian (bihar auto karabana dago, 18:00etan Plazetatik hasita), eta orain, greba batzordeak ostegunean egingo denaren berri eman du. Honakoak dira deialdiak:
- 06:00etan, Oarsoaldeko informazio piketeak osatzeko Oiartzungo Mamuten bilduko dira.
- 10:00etan, Gurutze Santuaren plazatik hasita, kale bira herrian zehar eta propaganda banaketa.
- 10:30ean, Altzateko biribilgunetik, Donostiako herrialdeko manifestaziora joateko oinezkoen martxa abiatuko da (Oarsoaldeko herritarrek 11:45 egon behar dute Saguesen).
- 11:15ean, Altzate igerilekuko aparkalekutik, Donostiako mobilizaziora joateko auto karabanaren irteera.
- 12:30ean, Donostiako Artzai Onatik, herrialdeko manifestazioa.
- 17:30ean, Gurutze Santuaren plazan, elkarretaratzea.