Azeri dantza ikasteko entseguak hastear
Azeri dantza ikasteko entseguak otsailaren 5ean hasiko ditu Ereintza Dantza Taldeak ostegun gizenerako prest izateko.
Azeri dantzakk sekulako giroa sortu zuen atzo arratsean Herriko plazan. Azeri dantza ikasteko entseguak otsailaren 5ean hasiko ditu Ereintza Dantza Taldeak ostegun gizenerako prest izateko. aurten urtero bezala, Ereintzak emango die Azeri Dantzarekin hasiera inauteriei. Dantza zirikatzailea eta dibertigarria da Azeri Dantza. Ereintza Dantza taldea dago atzean, urte luzez ari da lan horretan, eta azken urteetan herritarren parte hartzea sustatu nahian dabil.
Azken horiei dei egin die aurtengo Azeri Dantzan parte hartzera, “Ereintza Dantza taldeko kideez gain herritarren parte hartzearekin festa are ederragoa egin nahi dugu, herrikoiagoa”. Inauteriek azken urteetan Errenteria-Oreretan hartu duten goranzko joerarekin jarraitu nahi dutela diote antolatzaileek. Dantzez baino jolasez osatua dagoela Azeri Dantza eta edonork har dezakeela parte diote, ez duela inongo konplikaziorik. Hala ere, entseguak antolatu dituzte parte hartu nahi duten guztientzat. Otsailaren 5ean, 12an,eta 19an izango dira Merkatuzarren 20:00etan hasita.
Ereintzak herritar guztiak gonbidatu ditu parte hartzera, “Azeri Dantza eta inauteriak aberastera”. Animatzen direnek, mezua bidali behar dute Udaleko Kultura saileko posta elektronikora, edota Ereintza taldearen helbidera.
