U-30 GREBA OROKORRA
Donostiako manifestaziora joateko ordua aldatu dute
Egun osoan mobilizazioak eta beste hainbat ekintza egingo dituzte Oiartzunen, herriko greba batzordeak antolatuta.
Euskal Herriko Eskubide Sozialen Kartak greba orokorra deitu biharko. Oiartzungo greba batzordeak biharko egitaraua prestatuta dauka, eta goizetik arratsera bitartean mobilizazioak egingo dituzte.
Azken orduko aldaketa egin dute. Donostian eguerdian egingo duten manifestaziora joateko gelditu dira 10:30ean, hilerrian. Autoetan joango dira hara.
Oarso Bidasoko Hitzak egunean zehar greban gertatutakoaren berri —eta hori bakarrik— emango du bihar, bere webgunean.
Egitaraua
- 06:00etan: Eskualdeko hitzordua, industriaguneetara joateko piketeak antolatzeko.
- 08:30etik 10:30era: Gosaria grebalarientzat, pleno aretoan.
- 09:00etan: Pikete kalejiraren hasiera, plazan.
- 10:30ean: Donostiako manifestaziora joateko kotxe karabana osatuko dute hilerrian, eta Irundik datozenekin bat egingo dute.
- 12:30ean: Manifestazioa, Donostiako Artzain Onaren plazatik hasita.
- 14:30ean: Bazkari autogestionatua, pleno aretoan.
- Ondoren, mikrofono irekia, eta musika tresnak eramatera animatu dute.
- 17:30ean: Oiartzungo mobilizazioa. Iragarri dutenez, zaintza lanak egiten dituzten emakumeek greban parte hartzeko saiakera egingo dute.
- Bukatzeko, askaria egingo dute pleno aretoan. Egunak utzi duena iruditan ikusiko dute.
- Egun osoan zehar: udaletxeko pleno aretoa topagune bihurtuko da, deskantsurako eta abar.
Erlazionatutako edukiaGreba orokorreko ekintzen egitaraua aurkeztu dute OiartzunenPentsionistak grebara, etorkizuna beraiena dela aldarrikatzera
